پٹرولیم مصنوعات کی قیمتیں ریکارڈ سطح پر پہنچ گئیں۔ پیٹرول159 روپے 86 پیسے فی لیٹر ملے گا

پٹرولیم مصنوعات کی قیمتیں ریکارڈ سطح پر پہنچ گئیں۔ پیٹرول159 روپے 86 پیسے فی لیٹر ملے گا 

وزارت خزانہ کی جانب سے جاری کردہ نوٹیفکیشن کے مطابق پیٹرول کی قیمت 12 روپے 3 پیسے فی لیٹر کے بعد نئی قیمت 159 روپے 86 پیسے فی لیٹر  ہوگی

نوٹیفکیش کے مطابق ڈیزل کی قیمت میں 9 روپے 53 پیسے فی لیٹر اضافے کے بعد نئی قیمت 154 روپے 15 پیسے فی لیٹر مقرر کی گئی ہے۔

مزید نوٹیفکیشن میں کہا گیا ہے کہ مٹی کے تیل کی قیمت میں 10 روپے 8 پیسے فی لیٹر اضافہ کے بعد اب نئی قیمت 126 روپے 56 پیسے فی لیٹر ہوگی۔

مزید لائٹ ڈیزل کی قیمت 9 روپے 43 پیسے فی لیٹر اضافہ کرنے کے بعد نئی قیمت 123 روپے 97 پیسے فی لیٹر مقرر کی گئی ہے۔

نوٹیفکیشن کے مطابق نئی قیمتوں کا اطلاق اگلے 15 روز کیلئے ہوگا۔

وزارت خزانہ کا بتانا ہے، کہ پیٹرولیم مصنوعات پرپی ڈی ایل اور دوسرے ٹیکس کم کرنے سے حکومت کو  70 ارب روپےماہانہ نقصان ہورہا ہے

یاد رہے کہ اس سے قبل خبر سامنے آئی تھی کہ وزیراعظم عمران خان نے پیٹرولیم مصنوعات کی قیمتوں میں 12 روپے فی لیٹراضافے کی سمری مسترد کردی تھی

ذرائع کا کہنا کہ اوگرا نے پیٹرول کی قیمت میں 12روپے 3 پیسے فی لیٹر اور ڈیزل کی قیمت میں 9 روپے53 پیسے فی لیٹرمزید مٹی کے تیل کی قیمت میں 10روپے 8پیسے فی لیٹر جبکہ لائٹ ڈیزل آئل کی قیمت میں 9 روپے 46 پیسے فی لیٹر اضافے کی سفارش کی تھی

جس پر وزرات خزانہ نے اوگرا سفارشات کے مطابق ہی پیٹرولیم مصنوعات کی قیمتوں میں اضافہ کیا ہے۔

پٹرولیم مصنوعات کی قیمتیں ریکارڈ سطح پر پہنچ گئیں۔ پیٹرول159 روپے 86 پیسے فی لیٹر ملے گا