سیاحوں کے لیے اہم خبر مری میں شدید برفباری کی پیش گوئی

 سیاحوں کے لیے اہم خبر مری میں شدید برفباری کی پیش گوئی

محکمہ موسمیات اور نیشنل ڈیزاسٹر مینیجمنٹ اتھارٹی نے آج رات سے جمعہ 25 فروری تک مری میں شدید برفباری کی پیش گوئی کردی۔

 (سی ٹی او)چیف ٹریفک آفیسر راولپنڈی نے کہا کہ سیاحوں کی سہولت کےلیےٹریفک پولیس کی اضافی نفری تعینات کر دی گئی۔ ب ضلعی انتظامیہ کے حکم پر آٹھ ہزار سے زائد گاڑیوں کوبرف باری کے دوران داخلے کی اجازت نہیں ہو گی۔ مری میں تقریبا3500گاڑیوں کی پارکنگ کی گنجائش ہے ۔

 مری کے ٹول پلازہ اور داخلی راستوں پرخصوصی چیکنگ و آگاہی پمفلٹ کی تقسیم کےلئے پکٹس قائم کر دی گئی ہیں۔  لائسنس ہولڈر ڈرائیور زاورمکینکلی فٹ گاڑیوں کو ہی مری جانے کی اجازت دی جائے گی۔مری آنے والے سیاح موسم کی شدت اور رش کی صورتحال کو مدنظر رکھتے ہوئے سفرکا انتخاب کریں۔ شدید سردی کے پیش نظر گاڑی میں اضافی گرم کپڑے اور کھانے پینے کی اشیاءضرور رکھیں ۔ سیاح ایمرجنسی صورتحال کے پیش نظر اپنی گاڑی میں مکمل ٹول کٹ لازمی رکھیں۔(سی ٹی او) آفیسر راولپنڈی نے کہا کہ سیاح سفر کوپر سکون اور  محفوظ  بنانے کےلئے دی گئی سفر ی ہدایات پر عمل کریں۔ دوران سفر کسی قسم کی ٹریفک شکایت ہونے کی صورت میں ہیلپ لائن 0519269200 یا 03097770598 پر رابطہ کریں

 سیاحوں کے لیے اہم خبر مری میں شدید برفباری کی پیش گوئی